NAMASA on tong ope i Pangambatan. Tingki Pandita J Petrus gabe Guru Zending ihuta ai (1942 – 1948). Naha hamaholon atap tantangan na idompakkon ni hanani pakon hasoman na dob porsaya bani Ambilan na Madear mandoppakon horja hasipelebuguon na gati pe masa panorang ai: Maningon pag mangkatahon LANG halani porsaya bani Hagogohon ni Jesus na tarlobih.
LANG piga dokah dob Kemerdekaan, adong ma kabar na sihol roh use Belanda laho manjajah – ai ma ginoran ipudini ari Clash Belanda. Roh ma Guru/Datu na i huta ai. ma parhuta lanjar patugahkon husip na roh hubani pasal na sihol masa.
Domu hujai maningon adongkonon do horja “mangan babi ambat” i huta ai. Tujuan ni ase tarambat sura sura ni munsuh, naborit sompong, sonai hasedaon i huta nami Pangambatan.
Domu hubani tonah ni Datu in, marriah ma sahuta ai. Ibobahon pangituaini. Sariah ma haganup marmutuskon: Ningon pasaudon do ai. Anjaha ise-ise na lang ra dihut, hubani sidea ma roh sagala hasedaon in.
On ma haputusan ni sahuta.
Selaku Guru itongah ni halak Kristen na poso ope, mangajamkon kuasa ni Jesus hupatumpu ma Pangurus ni Kuria ampa piga piga na dob Kristen. Marrapot ma hanami, lanjar mamutuskon: “Anggo hanami na dob marminggu, lang dihut hanami mangan “babi ambat” nasiam in. Ai mangihutkon na ihaporsayai hanami, pitah Tuhan Naibata do hansa na boi mangambat ampa mangondingi humbani sagala mara na sihol roh”.
Sintong sintong kuasa ni Jesus do na marhorja. Mardalan ma horja ni sidea ai. Tapi sada pe lang humbanami ampa na hasoman dob siparminggu na mahua. Age pe halani ai, sompat do sogam uhur ni piga-piga parhuta ai bennami.
Pardingatan bani Pandita GKPS Naparlobei 